حلم حبي

من غير كلام وفى صمت وسكوت
لقيت الحب راكع والحزن بيموت
استغربت وقولت فى ايه؟
لقيت العشق مسك ايدى وقالى بلاش صوت
وقالى تعالى معايا هوريك قبل ما الوقت يفوت
هوريلك ملكة العشاق وهى على مملكتنا بتفوت
لقيت نور كتييييييييير ولقيت الفراق اسير
قولت ايه دا قالى بص ومتتكلمش كتير
بصيت لقيت حبيبين وقدام الملكه واقفين
الحبيب يتكلم كلمه والحبيبه تتكلم كلمتين
والملكه تتكلم كلمه وكل ما تتكلم القى الحمام الابيض فى السما يطير
وشوفت الغرام وفى ايده الهيام
واقفين كلهم قدام الملكه الا الخصام
واقف وراها
وقولت ليه واقف وراها قالى دا مستنى اعدام
وشوفت القمر واقف فوق بينور الانوار
والنسيم عازف احلى الالحان على الاشجار
وشوفت النجوم واقفين فى صفوف كتار
واول ما شوفت القمرقولت يا لهوى!!!!

وحطيت ايدى على خدى
قالى العشق مالك قولت اسكت دا مفيش مفضوح كدى
قالى مالك احكيلى وانا اقدملك عهدى
انى مطلعش سرك لحد
ولقيت وشى احمر والحر اشتد
وقولتله انا كل يوم بحكى للقمر حالى
فخايف يفضحنى قدام الملكه ويحصل الى ما كان على بالى
لقيته ضحك بصوت عالى
والقمر بصالى وغمزلى
ولقيته جايب نجمتين وجالى
وقالى تعالى معايا كلم
ورحت معاه وقولت يارب سلم
واقفت قدام الملكه وانا باصص لتحت
قالتلى اسمك ايه قولت حسام
قالت وجاى هنا ليه قولت عاشق ولهان
قالت وعايز ايه قولت عايز الامان
قالت ليك الامان اتكلم يا ولهان
فرفعت وشى وقولت انا ...

ووقفت مذهول هنا
وقولت انتى؟!! وهى قالت اناااا؟!!

قالت انت تعرفنى؟
قولت اعرفك؟!!!..دا انتى كل يوم معيشانى فى هنا
دا انتى كل يوم فى احلامى
ملكه واميره ...وقاطعتنى.. ومكملتش كلامى
قالتى وانا كمان بحلم بيك فى كل يوم من ايامى
بتمنى القيك واشوفك قدامى
عشان احضنك والمسك وتداوى الامى
دا انا كل يوم بصالح الاحباب
وانا دايما تعبانه وقولت خلاص حظى فى الدنيا خاب
بدور عليك من زمان
فى كله حته وفى كل مكان
فى عالم العشاق ورا كل باب
سئلت عليك النجوم وسئلت عليك التراب
قالولى هتلقيه متخفيش دا مكتوب فى الكتاب
ففرحت وجيت النهرده ولقيت الفراق متصاب
ففرحت اكتر وقولت دا صحيح الهوى غلاب
وغلبت انا وشكيت للقمر حالى
وقالى متخفيش استنى عليا وشوفى الى فى بالى
فجابك انت وقالى اسمعى كلامه
لقيته احلى كلام كنت مستنياه طول الليالى
حبيبى انا بحبك..انت الحبيب الغالى
انت المراد انت الحبيب انت امالى
وانا واقف فى ذهول
بتمنى الوقت يطول
ومش عارف انا فايق ولا مسطول
بسمع الكلام واقول يا سلام
والقى العشق بيغمزلى وبيضحكلى الغرام
ولقيت الفراق بيعيط وبيبص للخصام
بصيت للخصام لقيته برضوا بيعيط
وبصلتهم الملكه وفى لحظه لقيتهم حطام
ومسكت ايديها وقولت بحبك وقالت بحبك
حسيت ساعتها ان انا مش انسان
انا ملاك ومعايا ملاكى ولقيت الفرح بان
قولتله فينك من زمااااااااااااان
قالى موجود ولكن معرفتش اجيلك من الاحزان
اول ما لقيتها ماتت قولت الجو امان
وجتلك ومش هسيبك تانى
واخدت حبيبتى فى احضانى
ومشيت وقولت للحزن خلالالالالالاص انسانى

بقلمى